張東健曾拍攝《無極》和《危險關係》等華語作品，他表示有機會也想再拍港產片，更想再跟謝霆鋒和張栢芝合作，也聽聞最近霆鋒擔任動作指導，他坦言也想試一試動作戲。至於現年53歲的他可擔心難以應付，他直言︰「體力雖然跟以往有分別，但會努力做好。」至於最想合作的香港演員就是梁朝偉，若有機會與他合作會很開心。
張東健指香港電影對自己影響甚多，人生第一套入戲院看的電影是成龍的《醉拳》：「爸爸拖住我入戲院睇，印象好深刻。另外我讀高中時期，香港的黑幫電影好受歡迎，當時好影響我，睇戲時都冇諗過會成為演員，現在諗起原來呢啲戲對我演藝生涯有好大影響。」
問到可有帶小朋友入戲院睇戲，他笑言經常與孩子入戲院睇戲，但通常是看他們喜歡的電影。直至兒子讀中學，早前自己主演的《大極旗飄揚：生死有情》在韓國重映，他帶兒子入場，問到兒子的反應時，他尷尬笑道，「佢第一次喺戲院睇我嘅作品，好感動，跟住一星期內，佢睇我嘅眼神都好唔同。」問到之後有否在家中播自己的作品，他表示，「也有播我同妻子合作嘅《戀風戀歌》，一路播一路睇，自己都覺得好尷尬。」
談到工作計劃，他表示去年完成拍攝韓國電影《熱帶夜》，預計今年暑假上映。被問到可有特別趣事時，他表示︰「今次與禹棹奐、李惠利合作，第一次現場冇前輩，我就係前輩，為咗同佢哋親近啲，我都花咗好多努力。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
