吳君如與父親夏春秋父女感情要好，夏春秋也為有這個女兒而感到驕傲，他曾在接受有線《星級會客室》專訪時，笑指君如屁股大又不漂亮，但遺傳了其表演因子，最初是他幫助愛女打開演藝之路。夏春秋當時表示看到愛女如今在演藝圈得到如此好的成績，他亦老懷安慰：「君如佢公認係好孝順，呢個好多外面嘅人都睇得，都讚佢，呢個係事實。到而家佢有能力，又會主動供養我哋，雖然佢賺到嘅錢唔會畀我，但每逢過時過節就會封封禮畀你，你自己收咗佢，咁就夠你使一年㗎啦。所以我感到自己非常大的福氣，我覺得自己最大成就唔係喺娛樂圈，而係生咗個女。」夏春秋又大爆君如十分傾慕陳可辛的才能，不過他從不干涉子女的感情事，即使之前曾傳出他們婚變，他亦不曾過問，以免煩到子女。
另外，夏春秋在專訪中也談到他的入行經歷，他表示當年最初入行是想做小生，但被嫌棄生得太矮，所以一直演配角，至後來被安排主持六合彩，他自言並非用報道方式去做，而是較生活化，所以觀眾喜歡看。夏春秋更坦言當時做主持做到爆騷，不但有固定收入，最高紀錄接了13個廣告，惟後來電視台人事變動，被調離六合彩主持一職，但他對此並無怨言，「我要求唔高，一生只求三餐溫飽。我個人從來唔會去爭取啲咩，即使有人欺壓我，我都唔會有咩怨恨。」而六合彩主持人身分，最後也成為夏春秋演藝事業的一個「代表作」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
