今晚播出的第一集，四位主持先走訪湛江漁人碼頭，見識了難得一見的超大條鷹鯧魚之餘，Ellyn還獻出了人生第一次「活捉龍蝦」；之後，四人在前香港先生呂熙帶領下，品嚐新鮮現撈湛江蠔，原來是次也是Ellyn人生首度吃蠔，原因是她覺得蠔很腥，但自從這次旅程開了「蠔戒」後便停不下了，除品嚐了原汁原味的清蒸生蠔，還品嚐了芝士焗蠔、菠蘿焗蠔、酸菜蠔及泰式蠔！之後四人又介紹了湛江第一特產「紅魚乾」，另外還有「一夜情馬友魚」、「一夜情門鱔魚」、柴魚等特色海味。
除了海鮮，四位主持還品嚐了足料的湛江撈粉、特色雞煲以及馳名的麻章燒豬。在這一集的美食之旅中，保守估計Ellyn最少兩次品嚐了當地特色美食：沙蟲及泥丁，她更被林正峰用沙蟲嚇破膽，搞到「依嘩鬼叫」。Ellyn接受TVB.COM訪問時，坦言是次也是人生第一次食沙蟲及泥丁，故要鼓起很大勇氣才做到：「好大突破，成世都冇辦法想像會將佢哋擺入口！我本身已經好怕蟲，更加唔好話擺入口，但為咗拍攝我就鼓起勇氣試食，原來都Ok嘅，尤其炸沙蟲，只要你唔好諗住佢係沙蟲就得。而用泥丁煲嘅嗰啖粥，係我咁多年以嚟食過最鮮甜嘅。」
談到首度主持綜藝節目零怯場，Ellyn坦言全靠三位前輩支持及照顧：「佢哋三個都有傍住我，我記得拍第一個Item其實Ng咗幾次，但佢哋都有叫我唔好緊張，之後適應咗慢慢去番正軌。鼎爺同保哥真係好照顧我，保哥會夾餸畀我哋，鼎爺就教咗我好多嘢，我記得頭一、兩日，鼎爺見到我有啲位唔記得入（要講嘢），佢會輕輕拍我，提我要講嘢喇，又教我講長稿嘅秘訣。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
