Lolly Talk 短裙出場表演，現場粉絲即時血脈沸騰興奮歡呼拍掌，眾成員都好識做，獻唱多首經典女團歌：「我地好鍾意Twins，《明愛暗戀補習社》係佢地第一首歌，可以翻唱佢地啲歌係驚喜！（練佢地側手翻？）我地有同排舞師講過，但要時間練吓先，依家唔敢獻醜住，平時我地唱K都會唱女團啲歌，今次舞台上演出係好開心！」
佢地台上即席考吓Fans，仲即時送出咗4隻專輯氹樂迷，然後叫全場亮起手機伴唱，搞到Lolly Talk眼濕濕！
而JACE陳凱詠粉絲同樣熱情，JACE短裙長靴出場獻唱，更於台上飲酒助興：「其實我咩情況都會飲酒，因為養聲最主要係識保護聲帶、飲多啲水，但係開心反而緊要啲。我見啲外國歌手成日會唱兩句、飲兩啖，一直都好想試吓，所以頭先試咗啦，聽到台下大叫飲杯！」JACE笑指聽到大家問何時開個唱，但現推出新歌為主，仲話想儲快歌成為「獨立跳唱」歌手。
YT 周殷廷壓軸出場，佢就話好鍾意戶外騷，所以唱到第二首歌已行落台握手，粉絲不斷瘋狂尖叫，佢又十分體貼親民，來者不拒跟粉絲自拍！雖然Fans要求「除衫」，但YT就話唔好，但仍坐在台前超近距離唱歌，氹到粉絲好開心。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
