徐偉棟出席晚宴前接受傳媒訪問，笑言最近許多朋友恭喜自己有新戀情：「其實我都唔係好清楚恭喜啲咩，都係普通朋友食下飯。」表示一直對姚子羚印象極佳，直言希望有更多發展空間：「希望有空間啦，都要大家畀空間我哋了解多啲，我比較唔識同人溝通，太大壓力就唔係咁好。」被問到目前是否進展至「友達以上、戀人未滿」，徐偉棟表示：「都可以咁講，又唔係普通朋友、我哋都好好傾，互相畀工作意見、討論演戲，成班朋友坐埋都會傾好多題目。」分享指二人對小動物、演戲上的傾談猶其投契。
徐偉棟更笑言不擅長表白，直言對拍拖充滿憧憬，更笑指姚子羚追求者眾多：「拍拖係一件好事嚟嘅，睇下同邊個拍（如果與姚子羚？）好多人都想同佢拍拖啦，佢係一個咁好嘅女仔！由尖沙咀排到上環！我試下可唔可以攞個籌，頭幾名都好嘅，但可能要通宵排隊！」姚子羚作為愛狗之一，徐偉棟表示鍾情與小動物玩耍，更主動提出想到寵物友善商場：「我見好多商場開放Pet Friendly，我諗應該會多啲機會同寵物去商場。商場會太高調？盡量去啲少人啲嘅先囉！」
本文作轉載及備份之用 來源 source: http://www.hk01.com
|
鍾意就快D Share啦！
|
