近日《爸爸》監製透露劉青雲自願削減片酬演出，黃秋生笑言「零」片酬接拍：「我好似都冇收錢！」蘇玉華隨即笑指：「未收錢啫，唔係冇嘅！」黃秋生繼續一貫幽默本色：「唔係喇，我問下佢先，原來有錢㗎？」談到與蘇玉華合作，黃秋生大讚：「直情冇得頂，如果冇咗佢我都唔知點演！（蘇：你唔之前當面讚我？）妳有老公㗎嘛，講埋啲咁嘅嘢，驚誤會嘛！」至於首度與新晉演員歐鎮灝合作，秋生更力舉四個優點：「又靚仔、又勤力、又聽話、又乖！唔錯，繼續努力！」
早前黃秋生於網上節目中評論Tyson Yoshi與YT周殷廷新歌《1994》MV期間，引起不少網民回嚮，黃秋生坦言狠評背後原因：「因為佢模仿啲垃圾歌模仿得好似，因為當年啲歌係行貨、垃圾歌，聽完之後哼唔返個旋律，會唔記得。同埋啲車係嘥多咗錢，同樣效果（可以唔駛炒），做咗老襯！」至於雲浩影於MV中重現黃秋生《無間道》的墮樓一幕，秋生笑言：「完全唔同！佢打橫咗！阿女冇我嗰種穿透式演技！」歐鎮灝亦表示：「唔夠飢餓！」秋生又再大讚：「叻仔，佢知呀，唔夠飢餓！」
黃秋生作為三屆金像影帝，對憑《虎毒不》提名影后的談善言讚譽有加，更揚言對方有冠軍相兼實力：「我有一日突然之間見到佢個樣，覺得佢有冠軍相！我純粹同睇相角度。嗰部戲我睇過，佢做得好好，佢的確係非常努力，同做得好好！」秋生笑言未思考與談善言的合作空間，並笑指：「我最近畫畫多、作曲多，唔駛同人合作。」
本文作轉載及備份之用 來源 source: http://www.hk01.com
|
鍾意就快D Share啦！
|
