內地女星楊冪近年人氣下滑，主演劇集收視連環仆直，不過人氣始終仲喺度，嚟緊亦即將會有新劇《生萬物》會播出，粉絲就頻頻幫手宣傳嗌期待，佢自己亦拍攝咗一輯主 ...
內地女星楊冪近年人氣下滑，主演劇集收視連環仆直，不過人氣始終仲喺度，嚟緊亦即將會有新劇《生萬物》會播出，粉絲就頻頻幫手宣傳嗌期待，佢自己亦拍攝咗一輯主題靚相，更被評為內娛四大古裝女神之一，索樣又一證明。
不過未睇劇先見女神家人，早兩日楊媽媽61歲生日，慶生現場照尋日（23日）一曝光，即刻就被推到上熱搜，非常厲害。見到楊媽媽同一班親友換上白襯衫戴紅領巾合照，成個生日P有晒主題，唔少網友均送上生日祝福，又稱讚母女顏值及家庭氛圍好，仲直指「母女像是模子刻出來的」，大讚楊冪長相隨媽，都一樣咁靚女。
