多間旅行社推出兩日一夜的容祖兒睇騷團，日間時段會去食特色棟企雞宴、自由暢玩各大娛樂城、食海鮮肥牛韓燒、遊覽百年嶺南古村唐家灣古鎮等，晚上睇《Eternity演唱會》及自行安排晚餐。行程包一張$688的演唱會飛，亦即最平價位，但兩日一夜團費只需$1,099，聽落相當相宜！不過宣傳單張亦講明門票不能轉讓，入場時會核對證件。
其他旅行社都有類似的旅行團，中間會玩的景點皆有分別，例如會食荔枝柴燒鵝、睇紅博城古建築群、參觀中山咀香園文化園等。雖然未必全部有報價，不過記者就發現，其中一個聲稱$999團費的兩日一夜珠海澳門團，竟然包容祖兒$988演唱會飛及三餐一宿，抵到難以置信！
另外較大型的旅行社都有推出三天團，除了主打包$988的《Eternity演唱會》門票外，亦會標明入住去年開業的全新酒店、於空中餐廳食酒店自助晚餐，玩埋順德及珠海等地，雖然冇寫明價錢，不過記者上網睇過套票價，發現酒店要另付附加費，三日兩夜加埋都要$3,554，不及其他團般價格親民。網民就大讚這些團好抵玩，也有人說：「一人之力拯救死寂旅遊業」不過小紅書上也有人發文，指演唱會滯銷，有人將原因歸咎於演出太短，只得90分鐘，表示寧願等她之後在香港開演唱會再睇。
更多旅行社的容祖兒演唱會行程：
本文作轉載及備份之用 來源 source: http://www.hk01.com
|
鍾意就快D Share啦！
|
