記者會前，何超跟陳子聰帶住新人Iman見傳媒接受訪問，更透露已計劃連開5部戲，全都由二蚊做男主角力谷他。問到Iman的感受，他以表誠意用廣東話說出︰「好開心呀！」問到會否習慣在香港生活，他表示相當愉快，亦感受到香港是個有很多來自不同地方人士聚集的地方。問到可有在香港識到女朋友，何超與陳子聰立即落閘︰「佢啱啱出道咁快問呢啲？我幫佢閘住，Not Allowed‧」
記者會上，率先看到1分鐘來自《拾荒法師》的片段，何超亦滿意Iman的表現。「其實拍攝時，Iman仲未有訓練，拍完先正式開始，一日要訓練10小時，我都一齊參加，但啲導師都話乜Josie你學嘢慢過Iman咁多。」Iman都覺得學習過程就似回年輕時返學的日子，除了學演技也有學彈結他及唱歌。當中還有功夫課，一直有看香港動作電影，有看成龍、李連杰、甄子丹的作品，對此感到又興奮又有難度。
對於在片場要跟老闆Joise對戲，會否感到壓力？Iman都表示沒有︰「因為開拍前有不少次綵排練習，令自己對鏡頭都冇咁緊張。」而何超更透露第一集未上畫，已經在籌備第二集，此外還有一部講神偷偷名畫，仲有一部是浪漫喜劇。「佢令我可以轉戲路，唔使一定要同鬼有關。」而5部電影中，有兩部更是荷里活電影，看來這位Iman同Ip Man有得揮，要做宇宙最強。
本文作轉載及備份之用 來源 source: http://www.hk01.com
|
鍾意就快D Share啦！
|
