陳惠敏曾在2020年9月公開承認患有肺癌，但幸好他在患病初期及早發現，經過治療後終於戰勝病魔，康復情況理想。不過陳惠敏在2021年又患上腦癌，他曾在接受訪問時分享抗癌經歷：「話唔驚就假，係人都怕死，點會諗到個腦會有cancer？嗰陣係好嚴重，成日暈，睇嘢又睇唔清楚，因為係喺右邊個腦發現，影響咗左邊嘅身體，所以我而家都有少少唔係咁靈敏，仲有啲痺，仲試過冇乜力。」但最後都醫得好：「我腦癌三期唔使用化療，嗰啲都唔使，免疫治療。好多人都問我『點解你腦癌三期都能醫治好？』，我同你講因為我有一個好醫生！我真係太幸運嘞！」雖然曾中風兼兩度患癌，但陳惠敏依然繼續食煙，他亦直言：「戒唔到，食少啲囉。（有冇話嘗試戒過？）有戒過，但啲人鍾意畀煙你食，你唔食都掉埋嚟。（一日食幾多？）一包到。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
