59歲的錢嘉樂年少時以龍虎武師身份入行，多年來身兼演員及幕後工作，直到2004年創立「錢家班」，現已是香港資深動作指導，主力負責策劃電影及電視劇中飛車的特技場面。談到入行超過40年點滴，錢嘉樂表示感恩自己遇上不少伯樂，除了洪金寶、成龍等，還有「獎門人」曾志偉；向來愛才及惜才的曾生，給予了嘉樂仔由動作演員轉型主持的機會，不過原來對於嘉樂仔來說，轉型初段壓力不少：「由有一個揸刀、揸槍搵食嘅人，變揸住枝咪初頭係幾難㗎！每次錄影好似行刑咁。」
錢家樂憶述第一次在《獎門人》中自我介紹時，感受到前所未有的緊張，並笑言「好似經歷咗幾年咁」。雖然要打開主持之門不容易，但嘉樂仔坦言過程令他獲益良多：「初頭你會覺得係非常困難嘅，但如果你（突）破咗呢，就會發現原來揸咪搵食係咁易！」嘉樂又指加入主持行列後，不但自信倍增，更令他說話及表達技巧有所提升，加上經常要拋橋腦筋變靈活，更因而掌握了「賣橋」的竅門及技巧。嘉樂又指志偉還曾提點他關於「生仔」及「買樓」兩件事，並對他影響很大。
另主持小惠談及當年錢嘉樂與湯盈盈被狗仔隊影到拍拖，由於湯盈盈不大看得懂中文，故在拍攝期間一度拿著報紙問梅小惠報道內容，全程顯盡對嘉樂的關懷及著緊：「佢好擔心自己影響到嘉樂」；但當得悉報道內容相當正面後，梅小惠指湯盈盈當堂開心晒：「佢即刻拎住兩份報紙，返埋架車係咁陰陰嘴笑。」錢嘉樂又指要促成一段好姻緣，Timing很重要：「如果我好鍾意蒲嗰陣遇到佢（盈盈），咁就唔得喇！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
