邵音音未有透露損失金額，但形容賊人手法極專業，一早已將屋內多部閉路電視毀掉，惟孫仔房間有多個隱蔽鏡頭未被發現，才拍下賊人爆竊情況，她說：「全家人喺度，兩個賊喺屋企行來行去，好靜腳好似識輕功咁好叻，我覺得好犀利，係好專業嘅大賊嚟。佢哋好慢動作，全間屋啲嘢攞晒出嚟睇，我啲貓喺隔離睇住，陪佢哋偷嘢。」
她表示平時朝早6時才睡，到8時便起牀，但當天竟然睡到不醒人事，她說：「嗰日我同狗仔好似昏迷咗，唔知係咪有迷香，唔知，佢哋好放心咁偷嘢。」她指賊人早已清楚村內所有人的動向，確實防不勝防，但搬屋又要花太多錢不容易。
另外，對於王晶無故出Post大鬧姜濤，邵音音表示不清楚來龍去脈，但過去年代很多上海來港的記者，經常罵台灣歌手，反令台灣歌手知名度大增「鬧到紅咗」。而邵音音與王晶亦共事數十載，但不理解今次事件，謂：「我唔覺得係咁，但睇新聞又係咁，我都唔知，大家鬧來鬧去，大家就愈來愈紅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
