對於王晶早前在微博怒罵，是否如限動所講「得啖笑」，姜濤說：「首先好多謝王晶前輩對我嘅批評，我哋作為後輩始終無辦法講太多，一直秉持住接受每一個人嘅意見，無論佢嘅出法點係咩，我哋都係咁理解，所以件事喺我呢度已經過去，大家食完花生就算。」姜濤又指出道至今有不少評論，不會因今次事件而太影響心情，自己亦學會接受與承受，又呼籲大家理性討論，對於秋生讚可愛，姜濤表示：「多謝秋生哥，你都好型！」
而對於Jeremy 日前推出新歌《Tie Me Now》，被指與韓團Stray Kids歌曲旋律相似，Ian表示因未聽以上歌曲，所以不便評論。問到之後在創作或揀歌上，與團隊會否更謹慎，他說：「如果創作的話，我覺得要聽多更多歌，咁係為咗避免自己寫出嚟嘅歌，同其他歌嘅旋律好相似，我都有試過自己寫，某幾個旋律同自己聽過嘅歌好似，意識到時會改咗佢，但Jeremy 呢件事我評論唔到。」Ian又指自己的《Got U》也曾因開首的結他和弦而引起抄襲之嫌，所以他望大家深入了解才再作評論。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
