錢嘉樂日前（4/4）現身西貢出席校園巡迴啟動禮，就事件接受《香港01》訪問時表示：「其實嗰件事我都有打電話畀佢，不過都係一件好事嚟，因為我哋洪家班其實都係想出嚟聚吓會啫。（會唔會覺得鍾發太過火爆？）咁又唔會，咁先係我哋啲前輩嚟，我哋嗰行就係咁架啦。相信如果知道我哋呢一行都耐係會知，而我喺洪家班長大都幾廿年，其實都見慣呢啲場面，其實練武嘅人實會有拗撬，所以我覺得係一件好事嚟，都唔需要咁介懷，因為嗌完交就會冇事。（鍾發話曾志偉上場做經理，所以你約食飯？）呢啲咪就俾前輩先發（制人）囉。（咁你咪食咗死貓？）唔會，其實太耐冇聚埋，洪家班都有40周年，其實個電話係我打嘅，同埋第一時間要約埋洪家班嘅前輩，其實都好難，尤其是係疫情嗰幾年，我其實只不過係好心想聚一聚啫，主要係太耐冇見啫。（會唔會志偉上場做經理！）其實唔關事，係因為其實你哋知唔知吖？（唔知呀！）其實我哋想自己聚，係好私人嘅聚會。」
本文作轉載及備份之用 來源 source: http://www.hk01.com
|
鍾意就快D Share啦！
|
