藝人秦翊洺（Tony）2017年開始拍劇，曾於《愛·回家之開心速遞》、《法證先鋒》、《逆天奇案》、、《白色強人》、《神耆小子》等多部電視劇有份亮相。身為餐廳老闆的秦翊洺積極發展社交網，不時分享在港飲食Vlog，日前他前往知名的香港牛腩麵餐廳，竟被阻撓拍攝兼發生肢體衝突。片段開首，秦翊洺已指該餐廳以態度聞名，價錢亦驚人，一碗「上湯牛爽腩」索價230港元。秦翊洺落單後講「唔該」，態度有禮，全程亦對食物有讚無彈。
可是餐廳老闆突然現身要求查看稿子，並提醒：「唔好影我啊！」秦翊洺回答：「冇影你。」老闆續說：「下次你哋影嘢問吓人哋俾唔俾你拍先，唔係話你哋鍾意拍就拍㗎，知唔知呀？」秦翊洺反駁拍攝屬私人事，老闆則指不允許在店內拍攝，「你要問過我哋俾唔俾你拍先，知道嗎？唔係話你鍾意拍就拍㗎，你嚟食嘢㗎咋！」
隨後老闆下令不准拍攝，並指已報警，要等警察到場，秦翊洺憤而結帳離去。離開時老闆要求刪片，秦翊洺在門口被老闆阻撓離去，秦翊洺爆鬧：「行開啲啦你！」老闆警告：「你唔好逗（掂）我。」出到鋪頭外兩人繼續產生肢體衝突，手臂亦有碰撞。秦翊嬲爆大鬧：「我而家食埋嘢、畀埋錢，你唔俾人走呀？」直斥「離晒大譜」。老闆堅持等警察到場，更揚言：「你可以告我！」最後秦翊洺等了5分鐘警察仍未到便離去。
秦翊洺在片尾指：「就係因為香港有好多咁嘅餐廳，搞到好多遊客嚟咗一次唔想再嚟第二次。」不過他續強調這些餐廳只屬少數。而該片段在內地社交網爆紅，平時秦翊洺的片段只有數十、幾百、近日最多有2000讚好，今次這條片卻狂吸2萬讚好，引起網民熱議。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
