這場突如其來的「絕交」風波，令不少粉絲感到疑惑和震驚。皆因兩人自入行已經「friend過夾band」，經常出相入對就連拍完旅行節目後，在訪問中都會提及對方。自threads興起後，兩人亦經常在網上隔空「調情」，完全不似會出現磨擦。
有網民嫌兩人鬧得不夠大，還在threads留言，而麥美恩亦不留情面地「單單打打」。有網民說：「聽講你哋不和，快啲鬧下交先！」麥美恩就回覆：「我先：『一姐啲節目有人睇咩？好心佢返去湊仔啦』」，有人說：「你哋係咪不和道佢決定同你冷戰」，麥美恩又回覆：「就嚟要報佢東張」。吳若希反擊：「你個GM都過埋檔，你明你幾嘈㗎啦？」麥美恩又回覆：「你個節目幾點收視啊？」
吳若希寫道：「今日宣佈正式同麥美恩絕交！！！」而麥美恩則留下：「得一首歌嘅一姐」，花生指數急升！丁子朗留下幾粒花生emoiji，還被麥美恩訓話：「小朋友企埋一邊」。
《香港01》記者以Whatsapp向吳若希查詢，但她則以工作忙碌為由拒絕回應。「Gossip of Me 唔答啦～～～我而家忙緊 對佢我冇乜回應～ 因為我要專心宣傳新歌and演唱會。有咩我哋星期六記者會再講」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
