台灣藝人許瑋甯同老公邱澤於2021年閃婚，每次提到生B話題都會話順其自然，估唔到開心嘅日子終於嚟，結婚近4年嘅二人，今日（5日）即被爆出已造人成功4個月，40歲許瑋甯於母親節前夕爆出喜訊，令外界欣喜。
二人婚後對生仔早有共識，抱住「如果有就是最好的禮物」心態，加上雙方家人從未施壓，如今許瑋甯成功懷孕，周遭親友都開心不已。許瑋甯去年內積極調整生活，並計劃受孕細節，於懷孕後對外明顯減少工作量，掩飾身形改變。難怪上月二人被偶遇時，邱澤全程護妻，十指緊扣寸步不離，原來當時太太已經有孕，難怪恩愛程度比新婚時更甚。
其實許瑋甯大肚前3個月保持低調，一直到懷孕4個月後先敢同親友分享喜訊。然而，佢4月底出席時尚活動時，着上寬鬆針織洋裝，加上原本體態纖瘦，先未引起任何懷孕猜測、冇人察覺。許瑋甯近日亦成日分享自製料理，似乎口味變得「愛吃酸」，好似4月20日佢就分享「醋溜小黃瓜」相，尋日（4日）就製作「紅燒番茄牛肉湯」，孕婦嗜酸口味完全體現晒。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
