節目中，李兆基的媳婦徐子淇亦有現身講到與家翁之間的事情，徐子淇表示李兆基最喜歡就是滑雪及打高爾夫球：「佢一玩起上嚟就好有童真，佢亦都係一個好準時嘅人，佢身上面一定陀住呢啲陀錶仔。我哋都覺得佢好犀利，因為佢隻眼好利，我哋都話：『嘩！點睇到？』」
徐子淇拿起一盒餅向大家介紹是李兆基最喜愛的餅：「佢好鍾意食呢個餅，當然啲小朋友都好鍾意食啦，佢以前就成日會攞出嚟請小朋友食。」她指家翁隔了一段時間後就拿出了印有他樣子的盒子出來，徐子淇他們都感到驚訝為什麼盒子上印有家翁的樣子，原來是家翁與公司合作推出了有他樣子的餅乾，徐子淇指小朋友曾以為餅廠是李兆基開的：「佢哋成日問可唔可以攞多啲餅食，我話唔得，唔可以食咁多，佢話爺爺開㗎嘛，我話唔係啊！爺爺印咗佢個樣落去咋。」
紀念展策劃人Charles在李兆基的辦公室中找到一份疑似是講稿的紙張，於是交給徐子淇，她即問：「係咪我個仔建熹個百日宴？」徐子淇大讚家翁是一個很疼愛家人的人，她拿著講稿都不禁感動起來：「我都估唔到佢仲keep住呢張。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
