奶仔近日在吉隆坡拜師學藝，學習按摩推拿及復位治療。奶仔首位客人是身材健碩的健美型男，奶仔跟師傅學習診斷病症，正確姿勢及用力幫客人復位。由於客人太大隻，奶仔抱起大隻佬身水身汗，面紅紅喘氣不斷，不過勝在夠落力。奶仔笑言學成後，想在戶外拍攝時兼任隨團醫師。
奶仔入行至今16年，多年來只演小角色，後在《食腦喪B》升呢做男配，本以為前途見曙光，拍完《食腦喪B》卻又試過9個月沒劇拍。其後多得時任J2台節目創意總監C君（鄭詩君）賞識和發掘，由藝人升任監製，主理他的J2節目《貧窮限制想像》。2023年C君離任，方紹聰在TVB亦大幅減產，近三年一年只有一套劇出街。奶仔去年考了公共巴士牌照，當時他自爆已手持9款車牌，他又考了貨車牌、二級船牌及潛水教練牌，做足多重準備。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
