藝人黃澤鋒與同齡太太陳麗麗（Lilian）6年前以52歲高齡誕下女兒黃熙恩（小黃妃），引起全場熱話，轉眼間小黃妃已經6歲大，生得精靈可愛，亦遺傳了爸爸的演戲天分，而好消息陸續有來，今日（5日），現年58歲的黃澤鋒在社交網分享多張一家三口家庭照，並宣布震撼人心的天大喜訊，現已58歲的太太再度懷孕，將組成一家四口，並留言：「#號外，#願望達成#我要做家姐喇#不一樣的母親節#幸福的味道#一家四口的幸福，母親節號外。妃媽『愛的續約』成功，妃妃終於夢想成真做家姐啦。」相中見黃澤鋒和老婆穿灰色情侶裝，一左一右地站在囡囡身旁，而黃太陳麗麗則單手托住起的肚皮，滿臉笑容地望向鏡頭，一家人的畫面溫馨，而照上亦寫着「愛的續約，成功」獲得一眾網民送上祝福。
黃澤鋒接受訪問時表示：「呢次（懷孕）係我哋計劃之內，同埋係我囡囡（有細佬妹）嘅心願。」他透露太太已佗B女5個月，預產期9月，表示：「我哋兩公婆都係拜佛，所以揀喺今日佛誕公布。」至於想不想細女好似大女一樣咁精靈可愛，他說：「我哋唔睇呢啲嘢，最緊要健健康康就得！」
其實太太在生大女時已屬高齡產婦，當時更因血壓急升突患妊娠毒血症，恐有中風之危，產後需送入ICU觀察，幸好最後兩母女都平安無事。今次太太再懷孕會否擔心有風險？他透露太太之前曾經小產過，所以今次更小心，好在得到醫生支持下，所以就再接再厲，終於成功，他指現在多了一個小朋友，要更加落力賺錢養家。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
