為營造中年崩毁感裝假肚腩＋開工前喪食肥膩嘢
周柏賓這個角色絕對是渣男表表者，除對愛情不負責任、愛對女生毛手毛腳，亦十分不尊重另一半；昨晚其中一幕，柏賓完全無視程晴感受，將整桶冰兜頭淋令程晴透出內衣；縱然程晴事後一臉驚慌，但柏賓仍一臉不以為然，更為程晴改不雅稱號。對於飾演柏賓，周志康坦言是一大挑戰，因為看劇本時已覺得「呢個人唔係人」，所以最大難度是要說服自己個角色其實唔渣：「因為佢根本唔知咩係愛情，加上容易有女性埋身，佢覺得唔需要尊重女性。」志康坦言為了營造「校草不再」的感覺，更專誠刻意為角色增肥：「我每次開工前一晚都會食啲濃味同肥嘅嘢，等自己望落去腫啲，同埋好多謝梳化同事幫我加咗個假肚，都係為咗個反差效果，以前係校草，但若干年後崩壞晒，但依然仲以為自己好型，咁會仲乞人憎。」
讚王敏奕濕身拍攝淋冰桶場口零彆扭勁專業
志康續指由於角色佬味濃，加上阿叔髮型好Kam，故第一次試造型時已受到取笑，當中包括林景程；他又笑言不敢讓兩名女兒看自己演出，因怕人設崩毁：「因為個角色太壞喇，費事畀佢哋見到爸爸咁衰蝦女仔。」談到與王敏奕拍攝淋冰桶場口，周志康大讚敏奕專業，指對方拍攝時全程零尷尬，為了拍攝效果完全豁出去。
現實係愛妻號+24孝爹哋
對於周志康飾演渣男柏賓，不少網民大讚入型人格，但其實現實生活中周志康是百分百廿四孝老公兼愛妻號，只要不用工作或是運動，志康都會全程陪伴家人，其個人社交網便有不少家庭樂溫馨足迹，除其中一條周志康囡囡將爸爸個頭當「玩具」的短片搞晒搞笑，周志康與兩名女兒及太太的合照亦相當Sweet，足證一家四口感情甚佳。
另昨晚敏奕亦展現了靚到絕的「反差造型」，無論是甜美校園情竇初開Look、初出茅廬打工Look，或是冷酷女強人Look均相當漂亮，其中女強人妝容更獲網民大讚省鏡及360度零死角。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
