▲搭港鐵「逃票」被開$1000罰單，無拍卡入閘記錄港女1招力證清白。
拍八達通入閘搭港鐵，被當作「逃票」獲千元罰單？近日，有港女Threads發帖，稱在港鐵天水圍站拍八達通入閘後，發現手機未有記錄，打算前往服務中心查詢處理，豈料卻立刻被港鐵職員帶到一旁表示要罰款1,000元；她解釋無果，甚至被對方「兇」，後續她咁樣處理……
港鐵禮儀｜大媽港鐵剪指甲碎片「四散亂飛」 港女被濺到一身都係大媽咁解圍
拍卡入閘｜拍卡入閘搭港鐵 無拍卡記錄被截停罰款
樓主稱事發當日，她於港鐵屯馬線天水圍站拍八達通入閘乘搭港鐵，卻發現手機並未有拍卡記錄，便即可前往服務中心詢問，豈料「口都未開」便被職員截停並帶到一旁，表示要罰款1,000元。
樓主稱，「（港鐵職員1）明明見住我入閘，見住我拍八達通，見住我望到手機冇紀錄就即刻行去服務中心，口都未開就拉我去側邊叫我賠1,000」；她嘗試向對方解釋，無奈沒有任何作用。
拍卡入閘｜解釋無果被要「求二選一」
港鐵職員僅回應道「我都係跟條例做」；職員更讓樓主二選一：「一係你就現場畀1,000，一係就留低電話地址畀罰單你」；樓主不滿表示「得我一個人就兇X我，乜都唔講冇解釋」。
直到男友和警員到場，職員才「笑笑口解釋晒所有嘢」，而最令她不滿的則是自己明明發現問題後，及時前往服務中心，但職員卻稱樓主是準備前往月台搭車。
拍卡入閘｜網民建議上訴 港女晒手機讀卡記錄證清白
此事引起網民熱議，紛紛建議樓主上訴，「我上次都係咁，寄信上述可以退返罰款，記住寫詳細啲，同佢哋要搞好耐先有回信」、「可以上訴，我都喺天水圍站」、「向港鐵投訴，翻查CCTV，抄低職員編號名稱」、「其實未扣錢佢部機都肯開門，佢港鐵冇責任？」、「完全陷害人」、「又老屈」。
樓主還展示當時手機交易記錄截圖，證明自己確實有拍八達通入閘，圖片顯示「已讀取卡」但並未收費；她表示「我手機有，佢哋部機read唔到我個record」，並透露最終她仍要簽署罰單，但並未支付罰金。
拍卡入閘｜港鐵咁回應
有媒體查詢港鐵，對方回覆稱收到該乘客查詢及申請上訴，即時作出跟進，經過覆檢相關資料，包括乘客的手機八達通紀錄、系統後端紀錄等，確認她當時有拍卡入閘，但可能因八達通移離讀卡器太快，以致未有完成整個拍卡程序，港鐵其後已接納該乘客上訴申請，並已聯絡她解釋了相關情況，希望她能理解。
港鐵禮儀｜內地客港鐵做1舉動險被罰$2000 網民反讚罰得好：完全接受唔到呢個行為！
港鐵禮儀｜東鐵乘客無視「先落後上」 衝門急爭位網民形容似屍殺列車
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
