洪天明今日（24日）回覆《香港01》覺得事件「好搞笑」，表示與王凱文相識多年，不想回覆太多再製造話題，他說：「關於呢樣嘢唔講，覺得好搞笑，Alvin又係好朋友，同佢咁熟呢啲真係唔需要回應。」但對於標題及內容的說法，有機會影響力別人家庭卻不敢苟同，他說：「希望傳媒朋友有時對不實報導都會衡量一下，是否應該用咁嘅標題寫出嚟，一百人睇咗有一兩個人相信都會有部份影響，何況現在有家庭及小朋友，希望大家可以諗清楚先出報導。」
周家蔚回應《香港01》時亦有解釋：「其實嗰日我本身約咗我表弟，因為佢就職典禮做主席要戥佢開心，咁下場其實係我表弟同其他朋友都喺度，完咗晚宴都有男有女唔係淨係得我一個女仔，仲有其他人。」至於蹺着前唱片公司高層王凱文的手臂，周家蔚稱：「因為太耐冇着高踭鞋，扶一扶佢，係天明好兄弟嚟，朋友係超Friend，當佢係阿哥！另外，我仲係好愛我老公，長期心心眼望住佢，溝通非常之好，唔使擔心！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
