Juno麥浚龍今晚(21日)舉行《The Album: In the Name of a Father.》演唱會，請來林嘉欣、陳漢娜(Hanna)、馬志威以戲劇來交代「董折」與「浦銘心」的愛恨交纏及兩人女兒的延續故事。而邱彥筒(Marf)、江熚生(AK)、吳林峰、Novel Fergus、盧祝君(Lo/o)則以嘉賓身份登場。個唱尾聲，Juno先唱出《耿耿於懷》，之後已移居英國的吳日言驚喜登場，與Juno合唱《The Album》系列最具代表性的作品的《羅生門》，獲全場報以熱烈掌聲。
完騷後，Juno表示今次並非一個演唱會，而是完成一個長達一個三年的故事，期間又因為生病而延期，要再召集所有嘉賓也不是易事，Juno表示一早已落實Marf、AK做嘉賓。「《(一個男人) 一個女人 和浴室》其實仲有另一首meldoy，我覺覺Marf好適合，又AK係角色年輕版，做騷同拍電影又唔同，即有片段要演出到個戲份一啲都唔易，所以今次係分咗片段同舞台上兩部分。」提到吳日言，Juno表示已多年不見對方，由綵排到今日開騷，感覺十分夢幻，一轉眼已經20年。「因為佢髮型唔同咗，對觀眾嚟講最直接記憶係冬菇頭，所以今晚直接戴假髮。」提到有觀眾表示聽不到《愛上殺手 》不離場，Juno表示：「總有機會，我唔係介意唱，今次主題係《The Album》，有30幾首歌。跳舞歌留畀獨立嘅騷啦。」
完成演唱會後，Juno又要投入《風林火山》，提到早前在康城首映後，引來不同的評價，Juno表示不同的評價是正常。「暫時言之尚早，我自己想佢公演時，觀眾睇完我再分享，因為嗰晚首映都係二千幾人，有好多都係外國人，所以我想套戲公映時再傾。（會唔會因評價再剪？）唔會，因為平身即有嘅彩蛋、線索都擺晒喺入面，我覺得係講故事模式同好多電影唔同，但亦係我刻意畀觀眾嘅一個新體驗。」至於正式上映日期，Juno表示要問發行。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
