影片可見，張學友對着台下觀眾用普通話說：「對不起，我不懂講普通話」，然後轉用廣東話問觀眾：「有幾多人係講廣東話㗎？」台下傳出一遍歡呼聲，張學友笑住口再用普通話說：「沒辦法，對不起，學一下廣東話，加油。」並鬼馬地瞇眼指一指腦袋，鼓勵不懂聽廣東話的觀眾：「加油」，十分懂得搞氣氛。
另一條片，學友解釋堅持講廣東話原因：「唔識聽廣東話嘅朋友唔好意思呀，今日呢度係澳門呀嘛，即係都係以廣東話為主，今日可能有啲歌我會唱國語，大家知我好國際，唱廣東話或者國語，我都會盡量去唱，希望大家享受今晚嘅演唱會。」
網民紛紛留言讚學友，「RESPECT TO YOU🤘 」、「其實他普通話說的很棒，他就是反擊沒禮貌的人而已」、「喜歡張學友，真的很有智慧也很謙虛。」、「内地的朋友很努力的在聽啦」、「我今晚喺現場，呢個位我都大聲歡呼😂家人們睇演唱會啲禮儀真係好差，係咪都叫人說普通話，一係就最後一句搶咗嚟唱」。
類似事件已非首次在學友身上發生，前年他在香港紅館開演唱會，開場前在場館外與粉絲打招呼，有來自內地的歌迷高呼說：「晚上的演唱會，能不能多講普通話？我從很遠過來，聽不懂粵語。」學友則保持着笑容回應三個字：「學一下」，現場粉絲歡呼，讚賞歌神氣度。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
