續問到身為導師有何貼士給學員，她就認為輕鬆最重要：「我覺得輕鬆係最緊要，我希望如果有機會組Team嘅學員，我想同佢哋建立一個好輕鬆嘅氛圍。（有多位學員廣東話唔正，唱廣東歌時會唔會扣分？）我就未必會，你就當啲觀眾睇到，覺得一個講廣東話唔係好正嘅朋友仔，喺台上唱歌你見到佢好努力咁咬字，反而有種特別會吸引人，有一種吸引力，所以唔一定。」
另外，提到舊愛吳浩康亦是節目的導師之一，大家身為評審有沒有與對方交流意見時，她就大方表示：「其實我就未正式話對於參賽者有咩交流，但大家本身識咗好耐，一嚟到有傾吓音樂，講吓嚟緊一陣間有咩心水？（大家再見面會唔會尷尬？）唔會，（大家有幾耐時間冇見面？）唔係好耐，對上一次都有試過同場，（今年嘅事？）唔係，（今年都係因為呢個節目先再次見面？）係，（大家私底下有冇聯絡？）咁唔會話成日特別聯絡。」而眼見鍾舒漫身型瘦了不少，問到是不是刻意減肥，她就強調不是，反而是因為心態放鬆，再加上運動，自自然然就會瘦，而她亦透露即將會推出廣東歌，相信歌迷都非常期待。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
