藝人葉蒨文（Sophie）與羅毓儀因合作無綫戀綜《女神配對計劃》成好友，昨（25日）Sophie於社交平台分享一張該節目監製瞓覺的相片，與羅毓儀齊齊在對方身旁晒勝利手勢，並發文「公審」該節目監製，寫道：「好討厭呀！呢個監製成日剪啲彩蛋同啲片出嚟嚇我拍你呢個節目已經成日整到我喊，放假都蝦我，今日都要剪段片出嚟搞到我喊@我決定公審你！」
所謂「公審」，其實是想讚對方勤力兼有幽默感，Sophie繼續寫道：「未見過啲咁衰嘅監製，做嘢又落力又有心搞到成日攰到周圍瞓，份人又易相處，又有幽默感，仲要你團隊入邊個個都咁好人，個個都咁得人中意，搞到我學識咩叫團隊精神同埋領導才能！你有冇問過我想唔想學呢啲嘢？？仲有！你知唔知你咁樣會搞到人哋覺得你好有人情味，覺得你同其他監製唔同，跟住好想同你瘋狂合作㗎，你知錯未？！仲敢唔敢剪啲片出嚟嚇我！衰人！！！！！」最後更留下何太金句：「你出街瞓！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
