麥玲玲、吳若希、戴祖儀和游嘉欣最近為TVB全新綜藝節目《尋歡作樂的姐姐》走訪廣州、深圳、上海、長沙、重慶等城市，發掘⼥性新興市場，為觀眾帶來最新潮、最 ...
麥玲玲、吳若希、戴祖儀和游嘉欣最近為TVB全新綜藝節目《尋歡作樂的姐姐》走訪廣州、深圳、上海、長沙、重慶等城市，發掘⼥性新興市場，為觀眾帶來最新潮、最頂流的旅遊體驗！雖然日日由朝拍到晚，但吳若希、戴祖儀和游嘉欣都表示十分開心，更大讚與玲玲師傅合作絕對是豪華遊：「有玲玲姐喺度，我哋支水都係百幾蚊一支，抱住出街都驚俾人打劫！」吳若希更表示好過份：「直情係豪遊團，我以為我哋都OK啦，都見識唔少，但我見識完玲玲姐嘅見識之後，原來我哋連中流都不是，係下流！」
4位非常合拍！（胡凱欣攝）
![]()
講到最難忘，戴祖儀就表示是四人一同出海：「同玲玲姐出海喎！」吳若希非常認同：「勁威，有冇幻想過玲玲姐着泳衣？」游嘉欣更劇透當時是玲玲姐穿得最單薄的一次，吳若希稱：「除咗3粒鈕，好勁，玲玲姐嘅身材！知唔知點解玲玲姐平時要收收埋埋？因為佢太愛何生，佢嗰個何生，佢話着得太性感，德哥就會殺咗我，唔得㗎佢！我明啦，原來成功嘅女人背後都有一個成功嘅男人！」戴祖儀更預告今次是史上最性感的一次：「今年我都大個女啦，係時候要展現吓啲事業心，所以大家會見到唔同嘅一面。
![]()
![]()
![]()
