MIRROR 12子出道至今，之前被劃分為上弦、下弦，現時就經常被分組行事，而經理人花姐經常被指「大細超」，偏愛ANSON LO(AL)，令不少其他「鏡粉」不滿，尤其是姜糖(姜濤的粉絲)，不過又真係好難怪啲鏡粉，話說正正日前姜濤、Edan、Stanley同Jer 4子出席粉絲見面會，足足玩咗幾粒鐘，攰到姜濤企到攣晒腰，而第二日Edan還搞到凌晨兩點幾先返屋企，第二朝晨早又要到機場出發為節目《膠戰》拍攝，「爵屎」見到都心痛。
不過有鏡粉就喺社交網指，當日花姐沒有到場，就只是跟AL到電台做訪問，做完訪問出來時，AL為了答謝於電台門外等足他幾粒鐘嘅粉絲(神徒)，由頭跑到尾同「神徒」SAY HI，而此時，花姐就在身邊拎住紙巾幫AL抺汗，慈母一樣。尋日AK喺同一電台訪問，又唔見花姐出現抹汗喎！AL被愛護的程度，又難怪其他鏡粉會呷醋。
另外，現時由花姐主理的《全民造星VI》又嚟嘞，今屆靚仔真係冇乜，暫時都未見有乜優質仔，不過「有背景」參選嘅人就唔少，就連公司任職的藝員管理部同事都請假去選，唔知其他參加賽點諗。而網上亦有不少之前面試嘅朋友仔爆料，有一名面試者於社交網大爆：「全民造星6，既然花姐話我應該去TVB，咁下年試吓都去吓先，邊度跌低邊度企返起身囉！」有網民問他是否參加《中年好聲音》，他留言：「差唔多」有網民留言：「吓！參加《中年好聲音》好過《造星》豈碼有JOB接、有騷開，你睇啲造星仔，唔通個個都姜濤、Anson Lo咩！上年冠軍嗰個香胤澤(Lyman)去咗邊？」、「無所謂㗎！邊度有得比賽都可以試吓，各有受眾嘅！」亦有心水清的網民直指，「花姐咪就係連TVB都撈唔掂，開頭以為佢係不屑TVB，但睇呢幾年佢點manage鏡仔就知咩人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
