熱爆娛樂: 移民英國｜港女移民英國5年感迷茫　列5大生活問題：呢4年我做過啲咩？ #港女

2025年7月27日星期日

移民英國｜港女移民英國5年感迷茫　列5大生活問題：呢4年我做過啲咩？ #港女

▲港女移民英國5年感迷茫，列5大生活問題「呢4年我做過啲咩？」

【移民英國】移民到陌生的環境生活，有不少事都需要重新適應，有移民英國4年的港女在社交平台發文，分享自己在英國的生活和心態變化，又列出5大問題，包括社交、理財、未來規劃等，直言「呢4年我做過啲咩呢？」不過，她也提到英國有不少優點是勝過香港，「可以靜落嚟諗下嘢，學下嘢」。

移民英國｜移英港女5年列5大問題

該名獨自移英的港女早前於Threads以「嚟咗英國四年後嘅一些碎念」為題發文，講述自己在英國生活及心態變化，並列出5大問題，包括「歲月煩惱」、「社交能力大減」、「儲錢不多適應問題」、「未來生活」及「心態變化」。

移民英國問題｜1.歲月煩惱

她表示移民英國4年，隨著年齡增長，身邊的朋友成家立室、買樓置業，不時會感慨自問「呢4年我做過啲咩？」

移民英國問題｜2.社交能力大減

樓主指，她到英國生活後社交能力大減，「一來唔想講英文，二來可能有啲社交恐懼，唔想識人」，加上她獨自居住，變相沒有動力外出社交「我仲係1個人住，慣咗獨處，愈嚟愈唔想出去見人」。她又提到以往在香港偶爾都會外出社交，現在便選擇留在家中，用做家務及手作來打發時間，「而家留喺屋企好忙又要做家務跟住又做下啲手作仔打發下時間，唔會好似以前喺香港咁，一悶就想出街買嘢食嘢」，然而這種沒有社交的生活，令她更感頹廢，「留喺屋企太耐，我就覺得究竟我呢一個生物除咗返工放工食飯屙屎之外，仲喺度做緊啲乜。」

同場加映：移民Do's & Don'ts

▼點擊圖片放大

+11

+10

延伸閱讀：移民外國︱舉家移民4個Do's & Don'ts　前亞視主播繆美詩：別說移民是為了孩子【有片】

移民英國問題｜3.儲錢不多

她坦言在英國儲錢不多，還懷疑自己是否適應了英國生活，「好似適應咗英國嘅日常：買餸、煮飯、生活，不過，問返自己『係咪真係適應咗？』又好似唔係」

移民英國問題｜4.對未來感迷茫

樓主對未來生活感到迷茫，「如果問我10年後會點？會喺邊度？會唔會又失驚無神去咗第二個國家？我唔知」。



移民英國問題｜5.心態轉變

樓主表示，以往在香港的事業已不在，到英國後亦沒有「搏殺」的動力，「只係想做到minimum就算」，她坦言如今對自己放低要求，「唔好對自己要求咁高啦，呢幾年係休息也好，療傷也好，唔好同人比較，用自己嘅速度行就已經好好了」。

雖然樓主在移英後有上述的問題，不過對比香港，英國仍然有優點，「日日plan下今日煮乜就一日，不過呢啲生活喺香港係完全感受唔到，而家可以靜落嚟諗下嘢，學下嘢」。

移民英國｜網民感同身受：道出我心聲

帖文引起熱議，有不少網民感同身受，「我有日驚覺自己已經可以星期六日全日唔出門口，係無乜嘢吸引到我想出街」、「呢幾年在英國感受最深刻就是『計劃總係趕不上變化』，我哋不是土生土長，響度生活過得去有瓦遮頭已算係無錯」、「完全道出我心聲，雖然呢邊（London）幾危險，生活簡簡單單，條命係咗，共勉之」，樓主回覆，「London真係唔敢自己一個人去，（治安）都好嚴重下」。

▼點擊圖片放大