王維德演過無數角色，但大部份都是無名字的醫生、律師、警察等閒角，當中以《倚天屠龍記》中的范遙及《封神榜》中的千里眼戲份最多。但令觀眾印象最深刻，相信是早年他參加《歡樂滿東華》成為「卡拉之星」台柱，找舞蹈員伴舞、加手語表演，載歌載舞籌款誠意十足。王維德感觸謂：「喺公司（TVB）工作幾十年，最開心最開心係做《歡樂滿東華》，因為3分鐘係我自己全部，音樂自己、揀歌自己，我搵手語義工，我搵dancer同我夾，有快有慢歌好有滿足感，後來公司先關注到我」。
王維德透露在馬來西亞曾遇上伯樂，邀請他到當地發展，有機會唱歌、拍劇做男主角，但他對TVB有情意結最後選擇放棄，他說：「我俾同事鬧我，叫我不如過去發展，咁多機會。自己硬頸想喺舊公司打滾繼續上一上、進步一啲......不經不覺咁就幾十年。」
王維德於2015年決定離巢TVB，他未有正面回應是「被離職」還是自己不續約，楊紹鴻卻直白地說：「電視又唔會要你嘞，好老實講，我訪問美儀（江美儀）都講死老竇老母，因為冇晒甘草（演員）」。王維德直言經濟環境差，拍電影拍劇集機會都少；方麗盈更直指連登台都被《中年好聲音》搶飯碗，她說：「直頭冇晒機會，外國登台佢哋係幾個人一齊去，我哋呢行就係咁，乜都講人氣，冇人氣送俾你都冇人要。你話德哥（王維德）唔唱得咩，但market係咁殘忍。」
對於生計問題，王維德投資有道，年輕時已買樓置業，所以沒有經濟壓力。他笑說：「我咪轉行做保安，唔係講笑，其實我剛早兩日開咗部新電影就係做保安。我年青時好鍾意儲錢，一毫子一毫子儲落豬仔錢甖，爆咗就放入銀行，儲到出嚟做嘢買樓保值，買完一間愈滾愈大，有資格買第二間，當然過程中要問親戚舅父借幫一幫，但我全部有能力去繼續，現在你問我依家點算，第一單身，我有物業產業，所以現在工作一定要揀開心，有時未必係錢，感覺開心我就會去做。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
