全球最大型室內健身比賽之一嘅香港站前日（26日）起一連兩日假亞博館舉行，兩日吸引近萬名參賽者，刷新歷屆紀錄。唔少演藝圈中人有參戰，當中最受曯目就有關智斌（Kenny）孖英皇師弟楊天宇（Angus）一同參賽，Kenny賽前已預告與Angus一同現身，最終赤裸上身騷肌完成比賽。
賽後Kenny貼出多張參賽相片及片段，寫道：「I am so proud of ourselves!Angus！由年初我們許下目標，到今天終於完成賽事，而且成績比我們預期中還好，成功突破自己上年的成績！本來希望在一個小時20分鐘內完成，現在是一個小時18分鐘！真的超額完成！」Kenny又讚賞師弟Angus表現出色，寫道：「雖然第一次參加，不過佢完全沒有放棄過，一直跟着我的節奏，我們的訓練是沒有白費！So proud of you!」
叻仔完成賽事嘅Kenny，即刻獲best friend蔡卓妍（阿Sa）同佢食飯做獎勵，低調搞小型慶功，又留言大讚好友：「我的驕傲 🥰好好成績 叻仔respect🫡恭喜埋Angus 小型慶功🎉🎉🎉🎉#食返餐好嘅 😏 #有生之年唔知我會唔會參加呢😜」
同樣比賽嘅仲有DJ森美，佢就被網友拍得現場搵唔到自己下一棒接力同伴嘅一刻，見佢晒出「老竇搵仔」片段，個迷惘樣出晒嚟：「仲要畀人拍低咗！同大家分享吓喺個接棒區度都幾迷惘 多謝現場嘅好多朋友大叫『邊個接森美棒呀？』好似湊仔放學搵唔到爸爸咁」場面爆笑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
