佳麗們的才藝表演也相當多元化，例如8號岳凡荻就與鄧智堅重演《溏心風暴3》司祺姐的對白：「我話係就係，唔需要證據。呢度唔係法庭，唔需要證據。我對眼就證據。邊個係人邊個係鬼，我睇得出！」講完對白後，見到鄧智堅用凌厲的眼神望着住她後，還臨場爆肚：「咩呀？指我做咩？」令在場的評審都拍爛手掌，鄧智堅也大讚她眼神堅定，識睇對手反應。
除了演戲，也有如廣東話RAP和行catwalk等的才藝表演，不過13號袁文靜的廣東話Rap表演就略嫌有些「眼高手低」，似數白欖多過Rap。廣東話發音未算好準，但誠意和喜感卻是滿分。
其中最特別的才藝表演，一定是10號文雅儀的「口才」表演，事關她要向評審推銷特別版TVBuddy。TVBuddy初見於2007年，並定位為TVB的吉祥物。多年來被推廣為TVB的代表，無論是台慶，頒獎禮，大型節目都有他的身影。早年TVB更因應不同節日推出不同版本的TVBuddy，除了購買外，更會送贈給一些藝人和來賓，相當之珍貴。
片中，文雅儀就以出色的口才推銷特別版TVBuddy。「TVB對我哋嚟講係乜嘢嚟？其實我哋由細都係睇TVB，特別係華僑或者華移，好似我，喺外國冇乜機會接觸到香港文化或者學廣東話，所以好多人都係靠TVB嚟學廣東話，然後感受到自己都係香港。所以係非常代表到香港文化嘅吉祥物。」
她表示，手上的TVBuddy是今年得特別版，可以作為代表香港文化送給外國朋友。最後，她說出了至關重要的一句：「好過送食物，嘢食食完都冇。」聽到這一句後，麥美恩和陳法蓉就望着評審之一的港姐冠軍謝寧發出「噓」聲，而謝寧亦臉色一沉。原來謝寧在2008年創立了曲奇品牌製蝴蝶酥。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
