鄭保瑞在訪問提到「陳浩南」現身的可能，第一個反應是︰「邊個做呀？伊健都唔會做，因為年紀上都唔啱，時間上應該係陳浩南啱啱出嚟，係當日90年代嘅鄭伊健，冇可能叫佢做番，佢都唔會肯，咁邊個可以代替鄭伊健呢？你冇得搞。」
訪問播出後掀起熱議，有網民甚至提議可用電腦特效或AI技術，為鄭伊健「回春」，製造一個「AI陳浩南」，就這些建議，主持人翟浩然亦有再追問瑞導，他表示︰「用AI拍電影要好小心。」主持人直指是否怕拍出來效果欠佳會變成笑位？鄭保瑞都坦言︰「有可能！」
至於又有建議，既然城寨佈置所費不菲，作為投資者可有考量將《龍頭》與《終章》兩集同時製作，以減輕成本？瑞導則回應︰「不容易，一個八十年代尾待拆的城寨，與五十年代尾還沒有太多高樓的城寨，根本是兩個面貌，就算一齊拍，好多東西都未必可以共用，年代差太遠了！」瑞導補充：「目前一切仍在商討與籌備之中，現階段未有最終決定。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
