女團COLLAR昨晚（29日）假亞洲博覽館舉行《COLLAR “GAME ON” LIVE 2025》演唱會尾場，捧場的圈中人包括MIRROR成員Anson Kong、Tiger、Jeremy、Jer與ERROR成員193、阿Dee，以及陳穎欣與男友陳考威等。COLLAR繼續以閃爆歌衫登場，一輪勁歌熱舞包括《Call My Name》、《Run Boy Run》、《idc》及《暴走女團》炒熱現場氣氛。去到中段唱《Never-never Land》時COLLAR走到台下邊唱邊與粉絲握手，大受歡迎，唱畢後她們指因為演唱會沒有Encore要送一份禮物給大家，齊齊清唱《Chosen Family》，歌迷也跟住唱，令Day感動到喊，她們笑說：「Day好難得喊㗎。」但隨後又要為Day撲紙巾抺眼淚，相當搞笑。
演唱會去到尾聲時COLLAR在台上喊住講演唱會感受，Day說：「冇諗過收穫到咁多愛，我哋都係幾冇自信、好混亂嘅人，連換衫都好混亂，喺冇自信嘅時候，見到大家識唱我哋嘅歌已經好感動。」Candy直言準備演唱過程辛苦，大家想做不同的表演給大家看，並說：「我畢業喇，可以全職投入COLLAR。」
Marf指雖然大家已經堅強了很多，但仍保持住平凡人的內心，好多謝大家支持，大家付出好多努力，跳到汗和肉血都分唔到。芯駖則喊住說：「我哋好多人唱歌都唔叻，放咗好多努力，多謝大家包容，畀時間我哋進步。我哋有好多傷兵，每日都有醫療團隊同我哋針炙，隻腳好痛，第一套衫好重，呢啲未必有人知道，但係聽到大家嘅掌聲係值得。」Winka說：「我係好多情緒、高敏嘅人，今次終於享受到享唱歌、跳舞嘅自信、開心，唔再驚唱成點，諗起Busking冇人睇都係咁唱，今次咁多人睇，點解唔攞出勇氣、自信，我大個女喇。」Ivy說：「出道後都有迷失過，但每次捉返我返嚟，令我堅定番，就係出團歌前見番COLLAR時候。」隨後COLLAR手拖手在台上向觀眾鞠躬謝幕，並由隊長Gao（沈貞巧）送上日文歌作完結。不過演唱會結束後，仍有不少歌迷不願離開，Encore擾攘十多分鐘後，已換衫的COLLAR再到台前答謝歌迷並與粉絲合照，最後齊齊欣賞被綵排被偷拍的片段，完美謝幕。
完騷後COLLAR接受訪問，講到齊齊喊，芯駖直言沒有想過反應那麼好，形容今次演唱會是一場硬仗，由化妝、造型、機關，大家也想做到最好，加上Gao唱最後一首歌勾起很多回憶艱難過程，大家有堅持，沒有放棄，所以好感動。她又指大家是容易受傷的女人，綵排時各有受傷，一路靠針炙保養。
弗到漏大晒馬甲線的Ivy分享keep fit秘笈，原來早在、4、5個月前已經要開始吃得清淡，現在48kg，覺得輕盈身形很適合演唱會。第一個喊的Day自言被粉絲合唱感動，講到她「天然呆」被隊友改花名？她說：「冇睇新聞，喺混亂嘅世界，就要離開呢個混亂世界先。」Marf與Winka皆指男友也有到現場捧場，講到有網民指她們的周邊t-shirt設計走「陰陽路」風格，Marf則力撐款式相當時興。Candy則指要吃20杯雪糕慶功。最後問到COLLAR可有邀請前團員So Ching睇騷，Winka指因專心綵排只請了屋企人睇騷，芯駖則指門票方面交給公司處理。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
