另外，林子祥又在訪問中透露自己本來有幸福童年，可惜因父母離異而變得悲慘。林子祥4歲時他的父母離婚了，他和弟弟跟隨母親生活，在林子祥讀中一時他母親離開香港到美國去，兩兄弟便開始寄宿生活，直至1965年再被安排到英國讀書。林子祥表示在英國生活期間有一段時間是沒有東西吃的。他說：「嗰陣冇錢，做孤兒仔，屋企冇寄錢畀我哋，畀學校踢咗出嚟。雖然我爸爸係醫生，但係佢唔想寄錢，佢送咗我哋嗰度，我諗佢搞唔掂自己啲錢，所以寧願由我哋自己去求生。（點樣我生存？）我咪自己出去搵嘢做，乜都做，麥當勞又做過，派報紙、又幫人家執屋，Harrods、Dorchester全部做過，搵到幾多都食晒，仲要租間房間都要四、五磅，要做好多嘢先搵到錢，嗰段時間都幾陰功。」
葉蒨文續說：「有次去英國那時候，我哋成日坐地鐵，有一次佢同我話就係呢個地鐵，嗰陣有一個人揼低我哋兩兄弟，邊講邊喊話係喺呢個位，我都冇諗過係嚴重。」林子祥就這樣在英國捱了差不多4年，他說：「我到而家都係鍾意呢個地方，因為係捱得最辛苦，我唔會覺得係惡夢，捱嘅時候又唔覺得好辛苦，嗰陣真係一罐罐頭做一餐，乜嘢都唔識，（有冇求救？）可以搵邊個？求救即係乞食。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
