▲《女神配對計劃》葉蒨文親揭鍾情GM曾展望的原因。
【女神配對計劃 / 葉蒨文 / 曾展望 / 林澤謙 / 林堡熙】由林盛斌（Bob）任主持的無TVB真人騷《女神配對計劃》，明（8月17日）播出第11集，今集《女神配對計劃》將是Dating Camp最終回，今Round將由五位女神親自決定留低/淘汰勇者。
雖然每位女神最多只能留低兩位求愛勇者，本集亦淘汰了兩名勇者，但並不代表現時有三名勇者的組別（葉蒨文Sophie及羅毓儀Yuki組）會出現淘汰者！皆因11位勇者在女神做出最終選擇前，可自由選擇調去其他組別，令淘汰未到最後一刻前仍充滿變數。
本集最期待畫面將是葉蒨文（Sophie）與曾展望（GM）（2人組合簡稱GS）的真情對話。GM難得一見地不再玩玩吓、改為認真Tone向女神真情剖白；雖然觸發點只是「幫Sophie搵電話」，但自覺被誤解的GM剖白時，仍數度委屈至哽咽兼落淚。這集觀眾除可看到GM坦誠及純粹一面，亦會更明白這個大男孩內心的脆弱。
女神配對計劃︱細John真情剖白關嘉敏激動落淚 姜卓文向Matthew遙距宣戰
女神配對計劃︱GM因一句話冇晒心機
GS其實不無暗湧，Sophie不止一次覺得GM不夠主動（仲要有個主動林堡熙Eddie做對比），在上集的Hidden Task，Sophie有感GM幫忙找電話未夠積極，並於分享時說了一句：「GM好似後尾係Feel到…」，並向花了足足3小時幫自己找電話的Eddie道歉。
Sophie簡單的一番話，嚴重觸動了GM神經，當場已藏不住低氣壓的GM明顯冇晒心機，事後GM向製作組重提事件時，仍心有不甘謂：「好快發現係咩？即係我冇畀心機搵咯，我係覺得佢好似緊張Eddie多過緊張我，我係有啲唔開心。」
之後在單對單真情對話環節，GM主動找上Sophie為自己辯解，包括1.不主動是因不想被感到霸住Sophie，2.為了Sophie已展現了應有的男士風度，3. 幫Sophie找電話時絕對很努力，4.十分緊張Sophie及重視Sophie對自己的看法。GM：「我唔想令你覺得我懶懶閒，唔在乎，我唔係咯」、「其實其他人誤解我唔係好著緊，我淨係緊張你有冇誤解我」、「係咪每次我一笑，跟住就（代表）咩都冇做咁哩…」
女神配對計劃︱葉蒨文安撫曾展望
當GM提到被誤解找電話不夠落力時，深感委屈的他一再哽咽、數度難過至說不出話，去到最後更流下男兒淚。GM出乎意料的脆弱令Sophie方寸大亂，一再出招安慰及氹GM之餘，自己亦忍不住被感染落淚，充份展現了她對GM的共情。
雖然委屈又難過，但GM最後不忘向Sophie大派定心丸：「我淨係想同你講我好緊張你。」當得到Sophie肯定時，眼眶仍帶著淚光的GM馬上破涕為笑，並纏著Sophie冧豬地說自己想主動message聯絡她，鬼咁冤氣。Sophie事後接受製作組訪問，坦言全盤接收了GM的真心、真摯及真誠：「其實呢個都係我鍾意GM嘅其中一個原因，就係佢一啲都唔會假同造作，佢唔識咯，所以我覺得佢嗰吓係真情流露，佢真係好努力，佢都真係幾鍾意我。」
女神配對計劃︱嘆拍《女神》見盡真實人性
被GM嚴重觸動的Sophie事後與林堡熙（Eddie）真情對話時，最初仍藏不住眼淚，Eddie見狀即體貼地主動送上慰問：「有咩忐忑呀？或者你諗咩，講吓你自己？」
Sophie聽畢即感嘆參與曾展望這個真人騷拍攝，令她看到了很多意想不到的真實人性：「好多人都問我，係咪有劇本，我從來答人都係『起碼我好真』…啱啱我覺得係原來好多人都好真，我覺得好特別呢個體驗，我覺得會好多年之後都會好難忘。」
Eddie聽完即把握機會展示真心，並承諾適當時機會主動邀請Sophie再進一步：「我覺得我係冇睇錯，我哋享受嘅幸福係同一樣嘢，譬如我做一件 事，我覺得好開心，我望過嚟，原來你都好開心架喎…」、「暫時我想確保大家個Feel啱，我搵到我搵嘅人啫，唔代表你搵到吖嘛。」Sophie組組員無論顏值或能力值都高人一等，被視為競爭最激烈的一組。
自知在Dating Camp表現遜色的林澤謙（阿Him），在最後衝刺期亦有把握機會向Sophie表達愛意：「我真係鍾意你，我想有呢個機會你可以做我女朋友…或者呢兩日傾少咗嘅嘢，可能之後去做番晒出嚟，係我對你嘅Promise。」到底Him這個「最後衝刺」能否力挽狂瀾？
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
