剛過24歲生日的Ivy So笑言獲得兒時老Best送驚喜，但無奈被媽咪率先爆：「我啲朋友話以後都唔畀得媽媽知。（有冇收到啲特別嘅生日禮物？）有呀，佢哋帶咗我去油麻地話去一個神秘嘅地方，原來係帶我睇中醫，因為氣管敏感都困擾咗我半年，幫我調理吓。」近日COLLAR為8月底的演唱會地獄排舞，但昨晚忍唔住偷食咗刨冰，更透露另外6位成員輪住感冒，自己幸福守住最後防線。
COLLAR成員邱彥筒（Marf）早前玩遊戲挑戰問隊員借錢，Ivy So表示稱不明白為何不問她借：「因為我最有義氣。（定最有錢？）最有義氣。（如果問你一定會借？）我啲成員肯定會借先，其他人就考慮吓，因為媽媽都有教要小心錢財。（你係咪公認富婆？）因為我生活冇咩負擔，同屋企人住。（戶口會唔會都有過百萬存款？）加埋有嘅，都做咗嘢3、4年。」早前公司MakerVille大地震，一手棒紅她們的行政總裁的魯庭暉宣布離任，Ivy So表示沒有不捨：「其實都冇話唔捨得，因為佢都冇話唔捨得，唔係話好想佢走，因為佢平時都話可以隨時食飯，佢都係一個幾friend幾貼地嘅老細。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
