林漪娸接受《香港01》訪問時表示：「其實我哋中國人好多嘢就唔會去科學化，即係你生完BB，你就去整薑醋咁，食薑醋嘅過程就係幫個身體幫補返鐵質，變咗我哋中國人嘅傳統覺得好就去跟呢個方式，但就唔用科學去分析囉。如果真正嚟講氣功同量子相唔相同，我就唔代表啦，但講到尾就係頻率嘅一種。」
講起氣功治病，林漪娸直言已有過百人受惠：「大部份嘅病都可以逆轉到，效果係好好。同埋我想講氣功治療係好科學化，只係啲人唔夠認識。（網民質疑呃神騙鬼！）咁我覺得我又唔需要太過介意，我又唔係同啲網民做，因為佢哋唔認識，佢哋唔了解，佢哋唔信係正常。畀我開頭我都唔信啦，係因為你冇接觸過嘛，例如接觸過嘅朋友，亦幫助過嘅朋友佢哋自己咪知囉，變咗我唔需要迫人哋一定要信，亦唔需要同佢拗，拗係冇用嘅，呢個係一個緣份囉。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
