台灣天后蔡依林近日因為自爆每晚9點半就瞓，超強自律Mode掀起模仿風潮，甚至有媽媽催小孩瞓覺時叮嚀「Jolin都睡了你還不快睡！」點知尋日（3日）蔡依林竟自打嘴巴，被網友拍到深夜10點仲同另一天后蔡健雅、歌手吳青峰現身台北街頭，惹嚟網友爆笑結論！
之前蔡依林透露自己通常都係九點半瞓覺，自律係為咗自由：「比如說我要早點睡，我才覺得我有更多的自由可以去表演，去展現我自己。」更表示：「可能一般人對於自律就表示要非常嚴格，然後要犧牲，但對我而言，它是一個很輕易做到的事情。」言論直上熱搜，又獲網友大讚佢夠自律，抵佢紅足咁多年。
但尋日有網友晒出照片，指蔡依林於深夜10點仲同吳青峰、蔡健雅軋馬路，已過其官方瞓覺時間點。目擊者描述三人身穿休閒裝束，狀態鬆弛自然，蔡依林笑容輕鬆，與吳青峰、蔡健雅並肩而行，全然不見匆忙歸家迹象。網友睇完相之後都好驚訝，仲爆笑表示：「蔡依林平常很乖，應該是交到壞朋友。」蔡依林本人就post出限時動山態，回應就連佢喺餐廳用餐時，服務生都提醒佢已經到瞓覺時間，令佢忍唔住表示：「餐廳的睡眠親切（做的）很周到！」蔡健雅亦發文自嘲：「損友無誤」非常爆笑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
