無綫小生羅天宇自2008年參選香港先生奪得少年組冠軍後，便加入無綫。一直備受公司力捧的他，多年來獲派不少有發揮的角色，而之前他亦有份拍攝有傳是今年台慶劇之一的《金式森林》。他在劇中飾演郭晉安的孻仔，而劇中父子戲碼惡劣，令他相當不好受。日前羅天宇接受東網專訪時坦言：「戲裏面我哋關係唔太好，好少溝通，我係第一次感受到父子情，同安哥（郭晉安）一嚟就有呢種感覺，好特別。」當時因為劇組遠赴青遠取景拍攝，拍攝時他亦突然掀動了情緒：「唔開心咗一段好長嘅時間，拍完收工都係唔開心、好Sad，有啲抑鬱。」
如此大感觸，相信是因為現實生活中的天宇，在嬰孩時期便失去父愛，後來媽媽第二段婚姻亦破裂，所以與繼父相處的時間也很短，他表示人生裏面缺欠的父子關係，估不到透過演戲得以填補，感覺神奇。說到現時跟媽媽及同母異父的弟弟胡㻗的關係，他坦言：「同媽媽感情更加緊扣，我同細佬概念一致，媽媽冇另一半唔緊要，有我哋兩個就夠。」天宇向來跟弟弟胡㻗感情要好，興趣相近，胡㻗是高球教練，近日天宇亦沉迷打波，望打出好成績，目標出戰高球賽事。胡㻗演藝事業高球兼顧，天宇就演藝行先，想行得更遠。
羅天宇是TVB出名的靚仔兼大隻仔，因有感男藝人有腹肌是基本，入行以來他都好注重體重管理，由於太喜歡吃甜，有時體重就如過山車一樣，試過入劇後仍在減磅，拍劇集《金式森林》時就誇張到試過樣貌不連戲，笑言：「出門前肥啲，出門後塊臉凹咗。」
此外，早前他與黃美棋、薛家燕拍攝旅遊節目《玩轉粵東粵北懶人包》，笑言與美棋經歷過生死激流後，突破對綜藝的認知。近年他於自媒體的短片亦非常吸精，與雞蛋仔生意拍檔拍的短片，瀏覽突破4700萬點擊成為熱話，躍身View數王：「可能網民鍾意睇BL啩，（試吓拍BL主題短片？）可以諗吓（搵邊個拍檔？）朱敏瀚、周志文、周志康，張振朗都可以，唔知佢哋想唔想。」天宇在深圳的雞蛋仔生意，高峰期有6、7間之多，現在主要是實體店，也望將來到馬來西亞開店。
場地：Harlan’s
本文作轉載及備份之用 來源 source: http://hk.on.cc
|
鍾意就快D Share啦！
|
|
|
