劇中謝天華飾演社團大佬，其造型相當搶眼，這是天華跟劇組造型師商議的成果。「造型既幫到角色之餘，亦配合舊城區嘅氣氛。現實中都想試下這種造型，但冇時間畀自己留咁長頭髮，今次有機會試下都幾正。」
問到今次是否要應付大量動作場面，甚至要重施單手爬山傾電話絕技？張兆輝聽到立即搶答：「呢啲難唔到佢喇！」謝天華亦搞笑回應：「爬山會照爬，佢負責遞電話畀我。」事實上因為角色關係，天華會有場戲糟質張兆輝：「呢度要向兆輝講唔好意思，其實我個心好唔舒服嘅，但拍完之後又覺得好爽，哈哈⋯」
早前颱風樺加沙襲港，張兆輝在後園保護檸檬樹的片段，獲網民大讚多達廿萬人次觀看。張兆輝：「因為太太好喜歡棵檸檬樹，所以都保護下，有人反問點解唔拎入屋，但我覺得屬於大自然嘅嘢，應該畀佢感受下。條片多人睇，可能打風時大家冇嘢做。」至於影片意外將千呎豪宅曝光，兆輝哥謙稱邊有千呎：「我紮營你唔知啫！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
