「長期糧尾」的藝人張致恒（Steven）努力搵錢養家望改寫人生，雖然勞動工作做到「半死狀態」，但閒時都愛在社交網跟網民吹水減壓。日前他於社交網上載一碗芫荽皮蛋通粉，留言：「最好食。」有網民和應：「呢隻米通粉都好好食。」另一位網民則問：「好正喎，喺邊度食到。」Steven回答：「死啦，我唔記得咗添，喺大埔嘅一個地方。」雖未能解答到疑問，但亦未見另有Hater攝位攻擊，反而繼續跟他傾偈說：「要加勁多胡椒粉」，Steven認同：「正」，對話似朋友之間講食經，氣氛融合。
只是網民非全民友善，譬如Steven轉職任搬運工人，即有網民留言挑機：「佢做到3個月先講啦。」一度被睇死的他只說：「師兄，我做呢份工第3個月喇。」，一句就KO對方，引來不少網民鼓勵：「要翻身唔難，阿Deep（吳浩康）有辦你睇，但要畀人睇得出你真係努力為頭家。」對網友的祝福，他照單全數留下「哦」一個字，又有網民慰問其病情，他就着大家不用擔心，僅是被同事傳染感冒而己。由此可見，只要Steven肯洗心革面，依然有網民支持的。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
