「無綫咪神」黃婧靈（波波）早前在社交網自封是「容易受傷的女人」，並留言提醒網民「勿亂捽眼」，皆因後果可大可少。她透露日前到琴行上古箏班後，突然感眼部刺痛不適，加上又出現雙眼紅腫、畏光及不停流眼水等徵狀，初時還以為只是眼睛敏感的小問題，可是視野逐漸模糊，而老師及琴行的工作人員即想方法為她「急救」雙目。
波波說：「佢哋畀咗一片枯葉畀我，叫我望住塊葉，我跟住做，真係覺得舒服咗啲，不過老師擔心我走出琴行門口，要過條大馬路會有危險，所以叫我休息一陣先好離開。」問到可有立即到醫院睇急症，她竟然說：「其實我諗住唔睇醫生，但真係覺得對眼好唔舒服，所以都睇咗，我同醫生講唔知點解會整親，佢就話可能同我長期戴隱形眼鏡有關，同埋我有捽眼嘅壞習慣，戴隱形眼鏡時唔覺意整損咗少少，加上又捽眼咪傷上加傷囉，好在只係眼角膜損咗少少，滴幾日眼藥水，傷口就會慢慢好。」她又謂好彩只有百多度近視及散光，暫時不戴隱形眼鏡也不算「盲」，可以照常工作。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
