掃呢頁CODE去手機

2025年9月5日 星期五

PTU|任達華要向「捽甩佢」演員致歉 林雪投訴紗布包足3年太臭 #任達華 #林雪

2003年上映的《PTU》,今日(4/9)舉行4K重映禮,並將於9月6日起重新上映。活動上,導演杜琪峯,夥拍演員林雪、任達華、邵美琪及黃浩然出席,各人 ...




2003年上映的《PTU》,今日(4/9)舉行4K重映禮,並將於9月6日起重新上映。活動上,導演杜琪峯,夥拍演員林雪、任達華、邵美琪及黃浩然出席,各人分享當年拍攝點滴,華哥就講到雖然「捽甩佢」一幕成為經典,但想跟那位演員道歉,因為真的摑了很多拍。至於林雪就重提頭上條紗巾拍片3年,臭氣沖天,但杜Sir今日才通知︰「你咁笨,可以換嘛!」令全場大笑。而今次重映活動,當中50%利潤會撥捐予《鮮浪潮》。

大合照時,杜Sir搞笑地擺大心心。(葉志明 攝)


在電影放映前,一眾演員跟觀眾分享點滴。(葉志明 攝)


杜Sir自言好少重溫自己的作品,《PTU》拍畢22年都未有再正式重溫,只覺得當年自己的技術未成熟,當時市道不好,自己用250萬拍完套《鎗火》,美亞想杜Sir都可以用差不多的成本拍套戲。杜Sir︰「當年拎300萬去拍,雖然係有好多不完整同不成熟地方,但而家睇番300萬真係好抵。游乃海更因此拎咗個最佳編劇,都冇劇本,最佳編劇都唔知點嚟,所以套戲即興的感覺好強。」

林雪飾演的沙Sir,頭上的紗巾包足3年,臭氣沖天。(《PTU》劇照)


由於電影拍攝經歷3年時間,演員的身形都有些少出入,其中邵美琪當年試過肥腫,被杜Sir下令停工,個多星期後再歸隊。而林雪更多次提到因為要連場,頭上那個紮頭紗布用足3年,連汗帶雨其臭無比。此時杜Sir出聲︰「你咁笨,連戲都可以整塊新嘛!」林雪即時反擊︰「你話唔得嘅!」引得全場大笑。

此時杜Sir出聲︰「你咁笨,連戲都可以整塊新嘛!」林雪即時反擊︰「你話唔得嘅!」全場大笑。(葉志明 攝)


至於任達華華哥,亦有一幕經典,就是在遊戲機中心對付一名古惑仔,不用動刀槍,只是一句「捽甩佢」,要對方夾生將頸上紋身捽走,至今成為《PTU》經典場口。談到這一幕,華哥反而覺得對當時位演員唔住。「首先要向那位最好的演員講聲抱歉,因為打咗好多巴,那種暴力美學,唔使拎支槍、開子彈、用拳頭,一場另類暴力美學幾震撼,拍攝時都唔忍心,所以要跟對方說聲抱歉。」

華哥都好喜歡「捽甩佢」一幕,「唔使拎支槍、開子彈、用拳頭,突然一場另類暴力美學幾震撼。」(葉志明 攝)


不過華哥都想向該位演員致歉。(影片截圖)



本文作轉載及備份之用 來源 source: http://www.hk01.com
鍾意就快D Share啦!