藝人葉蒨文（Sophie）憑無綫戀綜《女神配對計劃》而人氣急升，近日她應邀出席屯門綜藝晚會擔任表演嘉賓大晒歌喉，她以一襲紅色斜肩長裙上陣獻唱歌曲《擁抱愛》、《有了你》及《每當變幻時》，獲網民大讚人靚聲甜：「Sophie原來唱歌咁好聽，好穩定」、「簡直被藝人耽誤的歌手」。
Sophie接受東網訪問時，講到今次表演，她透露由應邀到演出的日子接近，事前未有太多時間作準備：「雖然最近時間表好忙，期間夾雜咗好多唔同工作，但我好用心去準備，行街坐車都會不停哼歌同背歌詞，總之一有時間就不斷練習。」她直言以往也有為數不多的歌唱經驗，但今次在屯門大會堂舉行，心情難免緊張：「個台都幾大、幾空曠，加上演奏廳同其他場地嘅感覺好唔同，都要啲時間去適應個陌生感，不過人大個咗，淡定咗好多，未至於腳震震嘅程度。（你之前有冇學過唱歌？）學咗幾堂發聲，未開始唱就冇學，因為當時覺得學費太貴，加上有段時間少咗工作，就冇畀錢繼續學喇！」至於會否有興趣出歌時？她坦言當然想：「如果將來表演可以唱番自己嘅歌，一定好開心。」問到是否受節目帶挈而多了不少工作？Sophie坦承：「係呀，目標係努力賺錢同儲錢，同埋好耐冇拍劇，好想演戲。」她期望將來有更多拍劇機會，但暫時未接到任何拍劇通知。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
