而提到好朋友炎明熹主演的音樂劇《一束光—高錕的記憶》即將上演，問到屆時會不會去支持時，詹天文二話不說：「會呀！因為我自己啱啱先做完音樂劇，所以其實我對音樂劇有一個新嘅了解，我知道音樂劇呢樣嘢其實係好難，同埋Gigi演一個比較重要嘅角色，都會好期待佢嘅表演。」續問到大家現時有沒有聯絡時，鍾柔美就表示：「我知道佢近排好忙於音樂劇，所以就暫時想畀佢專心。」表明大家私底下有一定有聯絡的。
續講到對於炎明熹開設工作室一事，詹天文覺得她非常有勇氣：「我覺得係好有勇氣同好犀利，因為其實我哋作為藝人，我哋都知道經理人幫我哋接job要跟進好多嘢，所以佢自己一個，覺得佢好有勇氣，希望佢唔好太過操勞。」
除了提及好朋友炎明熹之外，當提到另一好朋友姚焯菲（Chantel)與李克勤大兒子李立仁（Ryan）傳緋聞一事，鍾柔美就表示得知，但沒有深入了解：「我諗佢哋都係friend嚟嘅，佢哋純粹都係同學啫。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
