男團MIRROR成員盧瀚霆（Anson Lo）即將開個唱，他明言不會放過自己，除了有超強度勁舞外，還有性感環節派福利。談到未來10年的大計時，他希望歌影齊爆，但人生大事就一拖再拖，預計40歲前難成婚！近日因工作游走韓國、泰國兩地的他，獲一眾「神徒」（粉絲暱稱）豪擲6位數貼身追隨，相當有面。
Anson Lo將於12月6至9日假亞洲博覽館舉行第二次個人演唱會，個唱命名為「KINGDOM」，寓意帶領粉絲進入其跳唱國度。近日他接受專訪時大談當中構思及準備，透露個唱圍繞埃及主題，無論服裝及舞台均富民族色彩，談到今次個唱最大突破，他預告會有更多跳唱部分，幾乎佔整體三分之二：「激烈程度更高，編排方面都幾Chur，到時真係唔知換衫好定抖氣好！（會唔會有驚喜畀大家？）有啲柔情部分，有少少Sexy環節，唔止係服裝，而係氣場同表演狀態。」問到會否騷肌派福利？他笑言每次舞台表演都不會包到實：「我一定會呢度露少少，嗰度露少少。（有冇機會裸露上半身？）呢個唔係我風格喎！」
開騷露肉有壓力
提到相隔兩年再開騷，Anson Lo不諱言壓力大：「因為今次唔係第一次，大家嘅期望會高好多，覺得要跳得再勁啲，或者啲衫再少啲，通常好Focus喺服裝方面露幾多肉，呢啲對我嚟講都係壓力，但我都係做好自己。」他認為緩解壓力的最佳方法，就是要有充足準備：「我預計唔會放過自己，年頭就健身同跑街，一星期最少跑3次街，每次跑一小時。」他不久前才動過手術，雖然要應付如此高強度的個唱，但有信心不會出問題，並着大家放心：「依家身體康復中，好穩定，完全可以表演。」除了操弗身形，他同時要嚴格控制飲食：「盡量戒碳水同戒甜。（好辛苦時有冇破禁？）一定有，人嚟㗎，一、兩星期會有一次Cheat Day，我最想食雪糕、米線同麵。」之前他曾許願30歲前再開演唱會，今年30歲的他終如願，問到可有下個10年大計？他期望在影壇發展，發掘更多不同的自己，至於可想過在下個10年成家立室？曾由26歲改為36歲結婚的他一改再改：「未預見到，唔覺得會住，呢一刻唔覺得會。」
另外，Anson Lo近期工作密鑼緊鼓，日前剛亮相韓國電視台的音樂節目《Show Champion》後，前晚返港，約30多名「神徒」拉起橫額到機場接機，穿黑色外套及運動褲白鞋的Anson Lo，未有因工作太忙展露疲態，反而紮紮跳精神奕奕，狀態十足，問他可有倦意？他豎起兩隻拇指說：「OK！」然後揮手上車離去，而相隔不足9小時，他再次現身機場飛往泰國開工，想不到偶像做「空中飛人」，一班「神徒」亦有樣學樣，近日花費6位數字拉大隊飛韓國支持偶像，昨晨再隨偶像飛泰國，實行全天候貼身支持，認真豪氣！
化妝：Rainbow Chung@Annie G.Chan Makeup Centre
髮型：Denny Ku@CHIC Private I Salon
服裝：IT,BOTH
場地：Lubuds Group,FWD House 1881
本文作轉載及備份之用 來源 source: http://hk.on.cc
|
鍾意就快D Share啦！
|
|
|
