何雁詩於啟動禮後接受《香港01》訪問，表示得悉要為全運會進行評述後，便努力做好功課、熟讀各項目運動員資料，至於個人專項高爾夫球，除了能見證香港球壇好友出戰外，希望評述表現更進一步：「我希望喺戰術方面分享，如果觀眾唔熟悉高爾夫球，有時隔住電視睇會比較難明。同埋參與全運會嘅（港隊）男女子成員我都熟悉，特別係陳芷澄係同我一齊長大，我哋五歲已經識；男子方面就有之前贏過亞運金牌嘅許龍一，所以除咗賽事現場，都可以提供多啲場外資訊畀大家！」
香港資深演員許紹雄日前離世，何雁詩有幸曾經合作同框，對Benz哥的離開感到非常惋惜，受訪時一度眼泛淚光，並表示：「關於見到佢最後一面，我覺得係好私人嘅回憶，唔太想分享。但我會記住佢嘅笑聲、同佢相處嘅時間。雖然我有同Benz哥一齊工作過，但係真正認識佢，係因為佢個女Charmaine（許惠菁）好熟，而佢哋好好客、成日邀請我哋去屋企Party。Benz哥係一個好善良、絕頂好人，我覺得好可惜，大家都失去一個好好嘅人。」她表示連日一直關心許惠菁的情緒，承諾：「作為朋友，大家會好好睇住Charmaine。」因此亦請外界放心，讓Charmaine有足夠空間時間面對。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
