行仔同羊羊10月29日在東京浸完發酵溫熱木浴，即刻同嘉姐趕通宵火車由東京車站直奔香川縣的琴平，展開今趟最後一段行程。10月31日一行人經過差不多9小時行車，抵達中途站高松，火車會停留約30分鐘，再開往終站琴平。
嘉姐與行仔善用這半小時，為整個工作團隊搜購早餐。再過約莫40分鐘車程，一行人終於抵達目的地。一落車各人忙着搬行李及拍攝器材，羊羊發揮多年健身的成效充任「苦力擔當」，他先為嘉姐搬走一件重型行李，再為工作人員抬器材。羊羊問一位工作人員說︰「都唔係好重啫，有冇20kg？」當得知該件行李重達30kg時，他得戚的說︰「你知我咩料啦。」
三人來到琴平的大街，此行有兩大目的，首先要到一間擁有百年歷史的學校學整烏冬，嘉姐說︰「你哋成日講要食嘅讚岐烏冬，香川就係發源地之一。」經過一輪又搓、又踩後，終於嚐到自己一手一腳製成的烏冬。
今輯最後場景金刀比羅宮神社，由山腳徒步到山頂的主殿，要行785級樓梯。行仔、羊羊被委以重任行上山，嘉姐則好整以暇坐車直達山頂。幾經辛苦二人終於與嘉姐匯合，可以在神社許願。羊羊在許願繪馬寫上「成為一個更好的人，獨嘉3來了吧」、行仔願望為「身體健康，獨嘉2收視高企」。
此外，行仔事後接受訪問時表示拍過兩輯《獨嘉》之後，得出一個結論︰「旅行真係唔一定要搭飛機，有好多方法都可以去到，而且更舒適更有趣。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
